السلام عليكم ورحمة الله وبركاته
هاااا شلوونكم .. ان شااء الله بخير
انزين بدون ماطول عليكم اخليكم ويا الموضوع :
الفرق بين الشاب الخليجي والشاب اللبناني
الشاب اللبناني ::
طبعا هاي الشاب وهو راقد في غرفته الدبدوب و الأرنوب والقلوب كله في حضنه
واذا قام من الرقااد ::
يقوم الساعه سبع الصبح والي تقعده من الرقاد الخدامه وطبعا تكلمه انجليزي >> بترجم لكم شقالت الخدامه
اتقوول :قوم بابا وقت كثير تأخير والشاب اول مايقوم من الرقاد يقول لها يسلمووا >> قمة الأدب ما شاء الله
بعدين يقوم من الرقاد يفتح الستارة والدريشة علشان الغرفة تتنفس ويشغل موسيقى رومانسية
علشان يكون الجو رايق وياخذ حمام محترم وبعد ما يطلع من الحمام سيده على المنظرة
يحط من هالكريمات :
والصبغات 00 لازم يحافظ على البشرة 00 خلص من المنظرة ويتجة الان الى الاستشوار والجل ويظبط شعره
وبعدين يلبس البنطلون الجينز والتيشرت والنظارة الشمسية 00 وينزل ياكل الريوق اللى يكون عبارة عن دونات وعصير برتقال
الشاب الخليجي::
اكيد عارفين بس للعلم
يقوم الساعة 12 الظهر وهو ما وده يقوم وتدخل امه عليه الغرفة وتصرخ قوم ما شبعت رقاد !!
يرد الحبيب على امه زين زين الحين بقوم ويقعد يتأفففففففف ويطلع من بوزه نار <<<هههههه قووويه
بالاضافة الى انه وهوخامد كل دقيقة يطيح من على السرير ..<< وبعدين يدخل اخوه الصغير ويصرخ ويع يالله بسك رقاد.. يرد علية : اطلع من الغرفة لاحذفك من الدريشة الحين ..
المهم اخوه اللى اكبر منه يروح له الغرفة يطيح فيه ترفس
وبعد ذيك الرفسة العنيفة 00 يقوم الأخ من الرقاد
نرجع للشاب اللبناني::
ما يتغدى الا الساعة 4 او 5 ولايتغدى الا على عيش ابيض مسلوق وسلطة
>> يحافظ على رشاقته
اما الشاب الخليجي........
فـ يتغدى الساعة 1 بالضبط ولا يتغدى الا كبسة ولحم او دياي واذ خلص يدق البيبسى دقة وحدة يعني ما في مجال انه يتنفس .. وما تسمع الا اصوات مخيفة ^_*
الشاب اللبناني...........
طلعته تكون من بعد صلاة المغرب ما يطلع العصر يحافظ على البشرة من ضوء الشمس
الشاب الخليجي........
يطلع الساعة 2 الظهر يروح مشي لي بيت خواله لحد ما ينقلب اسود وريوله مشققه
الشاب اللبناني.......
يروح ستار بكس او اي كوفي شوب وقبل لا يطلع يمر على الصالون يحط له ذاك الجل و طيح تنظيف في البشره ..
الشاب الخليجي......
يحط الغتره المعفسه تقول مافيه احد يكويها له والقحفية المبقعه والعقال فوق القحفية والغتره على الجتف تقول انه مصنوعه للجتف مو للراس واذا بيروح يروح سوق اليمعه او سوق الحراج .
الشاب اللبناني .......
اذا يبى يضحك يقول ( هههههههههه ) ويده على بوزه يستحي يبطل بوزه جدام الناس والضحكة من الصعب انك تسمعها<< بنت مو ولد ..
الشاب الخليجي .......
ها ها ها ها .. وبوزه كنه بوابه عماره والشارع الثانى يسمع الضحكة^_*
الشاب اللبناني..........
لين يطالع التلفزيون يقعد على الكرسى ويحط ريل على ريل ويبتسم لان الابتسامة تضفي بشاشة على الوجة ... ^^
الشاب الخليجي.........
ينسدح على الارض ويحط راسه على المخدة ويمد ريله ويحطها على التلفزيون واذا يبـي يغير القناة يضغط حبات التلفزيون باصبع ريله ويغيرالقناة <<ليحين ما وصل التطور " الريموت "
الشاب اللبناني.......
اذا يبى يحلم احلام اليقظة طلع في حديقة بيتهم وقعد على الكرسى الهزاز وقام الكرسى يروح و يرجع
الشاب الخليجي..........
يروح الحوش ويمد السيادة اللي فيه خمس وثلاثين لون احمر واسود وابيض وياب دله ستة متر متروسة جاي وصينية مترووسه حب ...
الشاب اللبناني..........
في بداية الموضوع يقوول هاي .. هلوو
وفي نهاية هالموضوع يقول لكم .. تشاو .. او سى يو .. او بباي
الشاب الخليجي.........
في بداية الموضوع يقول مرحبا الساع او
هلا بو الشباب
وفي نهاية الموضوع يقولكم .. انا باذلف .. بانجلع .. خير ان شاء الله تبون شي ؟؟؟؟؟؟؟؟؟؟؟
وووووووبس ان شااء الله مازعلتووا مني
تره اونه حاطه الموضوع بس للمزح وحقكم على راسي من فووق فديتكم شباب الخليج
تحــــــــــــــــياتيـــ
موضوع: ~ الفرق بين الشاب الخليجي واللبناني ~